density_small
search
កម្មវិធីសិក្សាថ្នាក់បរិញ្ញាបត្រ ជំនាញភាសាចិនសម្រាប់ពាណិជ្ជកម្ម នៃសាកលវិទ្យាល័យ អាស៊ី អឺរ៉ុប ត្រូវបានរៀបចំឡើងស្របតាមក្របខណ្ឌគុណវុឌ្ឍិជាតិកម្ពុជា (កម្រិតទី៦) រយៈពេល ៤ ឆ្នាំ (ស្មើនឹង ១២០ ក្រេឌីត/៣៩ មុខវិជ្ជា) ដើម្បីឆ្លើយតបទៅនឹងតម្រូវការធនធានមនុស្សដែលមានសមត្ថភាពប្រើប្រាស់ភាសាចិនក្នុងបរិបទធុរកិច្ចប្រកបដោយជំនាញវិជ្ជាជីវៈ ទាំងក្នុងទីផ្សារការងារថ្នាក់ជាតិ តំបន់ និងពិភពលោក។ កម្មវិធីនេះផ្តោតលើការអភិវឌ្ឍសមត្ថភាពភាសាចិនទាំង ៤ ជំនាញ (ស្តាប់ និយាយ អាន សរសេរ) ការយល់ដឹងពីវប្បធម៌ក្រុមហ៊ុន ការចរចាពាណិជ្ជកម្ម ការបកប្រែ ការសរសេរលិខិតរដ្ឋបាល-ពាណិជ្ជកម្ម ពាណិជ្ជកម្មអេឡិចត្រូនិក និងទីផ្សារឌីជីថល ដោយមានការបង្រៀនពីសាស្ត្រាចារ្យដែលមានបទពិសោធន៍ និងគុណវុឌ្ឍិសមស្របតាមស្តង់ដារអន្តរជាតិ។
កម្មវិធីសិក្សានេះមានគោលបំណងបណ្តុះបណ្តាល និងពង្រឹងសមត្ថភាពនិស្សិតឱ្យមានចំណេះដឹងទូលំទូលាយលើការប្រើប្រាស់ភាសាចិនក្នុងវិស័យការងារយ៉ាងតិច ២៥០០ តួ យល់ដឹងពីមូលដ្ឋានច្បាប់ និងស្ទាត់ជំនាញលើការប្រាស្រ័យទាក់ទងធុរកិច្ច។ លើសពីនេះ កម្មវិធីមានបំណងអភិវឌ្ឍជំនាញគិតច្នៃប្រឌិតក្នុងការដោះស្រាយបញ្ហា ភាពជាអ្នកដឹកនាំ ការទទួលខុសត្រូវ ទំនាក់ទំនងអន្តរវប្បធម៌ ការប្រើប្រាស់បច្ចេកវិទ្យាព័ត៌មាន និងបច្ចេកទេសលេខនព្វន្ត/សិ្ថតិ ដើម្បីរៀបចំនិស្សិតឱ្យក្លាយជាអ្នកបកប្រែ មន្ត្រីរដ្ឋបាល/ធនធានមនុស្ស លេខាធិការ មន្ត្រីផ្នែកលក់/ទីផ្សារ ឬសហគ្រិនប្រកបដោយក្រមសីលធម៌ និងសមត្ថភាពការងារខ្ពស់។
និស្សិតដែលបានបញ្ចប់ការសិក្សាថ្នាក់បរិញ្ញាបត្រ ជំនាញភាសាចិនសម្រាប់ពាណិជ្ជកម្ម អាចមានឱកាសការងារនៅក្នុងស្ថាប័នរដ្ឋ ឯកជន អង្គការជាតិ និងអន្តរជាតិ ព្រមទាំងអាជីវកម្មឯកជននានា ដូចខាងក្រោម៖
Graduates with a Bachelor's Degree in Business Chinese can find career opportunities in public and private institutions, national and international organizations, as well as various private businesses, including:
កម្មវិធីសិក្សាថ្នាក់បរិញ្ញាបត្ររង ជំនាញភាសាចិនសម្រាប់ពាណិជ្ជកម្ម នៃសាកលវិទ្យាល័យ អាស៊ី អឺរ៉ុប ត្រូវបានរៀបចំឡើងស្របតាមក្របខណ្ឌគុណវុឌ្ឍិជាតិកម្ពុជា (កម្រិតទី៥) រយៈពេល ២ ឆ្នាំ (ស្មើនឹង ៦០ ក្រេឌីត/២០ មុខវិជ្ជា) ដើម្បីឆ្លើយតបទៅនឹងតម្រូវការធនធានមនុស្សដែលមានសមត្ថភាពប្រើប្រាស់ភាសាចិនក្នុងវិស័យធុរកិច្ច ក្នុងបរិបទនៃកិច្ចសហប្រតិបត្តិការសេដ្ឋកិច្ច ការវិនិយោគ និងពាណិជ្ជកម្មយ៉ាងជិតស្និទ្ធរវាងកម្ពុជា និងចិន។ កម្មវិធីនេះផ្តោតលើការផ្សារភ្ជាប់គ្នាយ៉ាងស្អិតរមួតរវាងសមត្ថភាពភាសាចិន (ស្តាប់ និយាយ អាន និងសរសេរ) និងចំណេះដឹងពាណិជ្ជកម្មជាក់ស្តែង ដូចជាការទំនាក់ទំនងធុរកិច្ច ការសរសេរលិខិតស្នាមពាណិជ្ជកម្ម គោលការណ៍គ្រប់គ្រងអាជីវកម្ម ទីផ្សារឌីជីថល និងការចរចាពាណិជ្ជកម្ម ដោយមានតុល្យភាពរវាងទ្រឹស្តីក្នុងថ្នាក់ និងការអនុវត្តជាក់ស្តែង។
កម្មវិធីសិក្សានេះមានគោលបំណងបណ្តុះបណ្តាល និងពង្រឹងសមត្ថភាពនិស្សិតឱ្យមានចំណេះដឹងទូលំទូលាយលើប្រព័ន្ធគ្រឹះភាសាចិន វាក្យសព្ទបច្ចេកទេសធុរកិច្ច ព្រមទាំងយល់ដឹងពីគោលការណ៍គ្រប់គ្រង និងទំនាក់ទំនងឆ្លងវប្បធម៌ក្នុងពាណិជ្ជកម្ម។ លើសពីនេះ កម្មវិធីមានបំណងអភិវឌ្ឍជំនាញវិភាគទិន្នន័យសេដ្ឋកិច្ច ជំនាញចរចា ការធ្វើការងារជាក្រុម ភាពជាអ្នកដឹកនាំ ក្រមសីលធម៌វិជ្ជាជីវៈ និងការប្រើប្រាស់បច្ចេកវិទ្យាឌីជីថល ដើម្បីរៀបចំនិស្សិតឱ្យក្លាយជាអ្នកបកប្រែ លេខាធិការ មន្ត្រីផ្នែកលក់/ទីផ្សារ ឬជំនួយការរដ្ឋបាលប្រកបដោយប្រសិទ្ធភាព ឬមានលទ្ធភាពបន្តការសិក្សាទៅថ្នាក់បរិញ្ញាបត្របន្ថែមទៀត។
| ឆ្នាំទី 1 | |||
|---|---|---|---|
| ឆមាសទី 1 | ឆមាសទី 2 | ||
| មុខវិជ្ជា | ក្រេឌីត | មុខវិជ្ជា | ក្រេឌីត |
| Public Administration | 3 | Khmer Studies | 3 |
| Office Application | 3 | Chinese Conversation | 3 |
| Intensive Chinese 1 | 3 | Intensive Chinese 2 | 3 |
| Chinese Characters 1 | 3 | ជំនាញសរសេរ កម្រិត៤ (Writing Skills IV) | 3 |
| Comprehensive Chinese 1 | 3 | Comprehensive Chinese 2 | 3 |
| ឆ្នាំទី 2 | |||
| ឆមាសទី 1 | ឆមាសទី 2 | ||
| មុខវិជ្ជា | ក្រេឌីត | មុខវិជ្ជា | ក្រេឌីត |
| Business Chinese 1 | 3 | Business Chinese 2 | 3 |
| Business Chinese Listening 1 | 3 | Audio-visual-oral 1 | 3 |
| Business Chinese Conversation 1 | 3 | Business Chinese Reading | 3 |
| Business Newspaper Reading 1 | 3 | Intercultural Communication | 3 |
| Business Chinese Writing 1 | 3 | C-K Interpretation 1 | 3 |
និស្សិតដែលបានបញ្ចប់ការសិក្សាថ្នាក់បរិញ្ញាបត្ររង ជំនាញភាសាចិនសម្រាប់ពាណិជ្ជកម្ម អាចមានឱកាសការងារនៅក្នុងស្ថាប័នរដ្ឋ ឯកជន អង្គការជាតិ និងអន្តរជាតិ ព្រមទាំងអាជីវកម្មឯកជននានា ដូចខាងក្រោម៖
