density_small
search
កម្មវិធីសិក្សាថ្នាក់បរិញ្ញាបត្រ ជំនាញអក្សរសាស្ត្រចិន នៃសាកលវិទ្យាល័យ អាស៊ី អឺរ៉ុប ត្រូវបានរៀបចំឡើងស្របតាមក្របខណ្ឌគុណវុឌ្ឍិជាតិកម្ពុជា (កម្រិតទី៦) រយៈពេល ៤ ឆ្នាំ (ស្មើនឹង ១២៦ ក្រេឌីត) ដើម្បីឆ្លើយតបទៅនឹងតម្រូវការធនធានមនុស្សដែលមានសមត្ថភាពប្រើប្រាស់ភាសាចិនប្រកបដោយជំនាញវិជ្ជាជីវៈ ក្នុងបរិបទនៃទីផ្សារការងារថ្នាក់ជាតិ តំបន់ និងពិភពលោក។ កម្មវិធីនេះផ្តោតលើការអភិវឌ្ឍសមត្ថភាពភាសាចិនទាំង ៤ ជំនាញ (ស្តាប់ និយាយ អាន សរសេរ) ការយល់ដឹងពីអក្សរសាស្ត្រ វប្បធម៌ ប្រវត្តិសាស្ត្រ ការបកប្រែ វិធីសាស្ត្រ និងចិត្តវិទ្យាបង្រៀន ព្រមទាំងបច្ចេកវិទ្យាព័ត៌មាន ដោយមានការចូលរួមបង្រៀនពីសាស្ត្រាចារ្យជនជាតិចិនមកពីវិទ្យាស្ថានភាសាចិននៃរាជបណ្ឌិតសភាកម្ពុជា និងការចុះហាត់ការងារ (Practicum) រយៈពេល ៦ ក្រេឌីត នៅចុងបញ្ចប់នៃកម្មវិធីសិក្សា ដើម្បីធានាបាននូវគុណភាពអប់រំតាមស្តង់ដារអន្តរជាតិ។
កម្មវិធីសិក្សានេះមានគោលបំណងបណ្តុះបណ្តាល និងពង្រឹងសមត្ថភាពនិស្សិតឱ្យមានចំណេះដឹងទូលំទូលាយលើការប្រើប្រាស់ភាសាចិនយ៉ាងតិច ២៥០០ តួ យល់ដឹងអំពីមូលដ្ឋានច្បាប់ អក្សរសាស្ត្រ ចិត្តវិទ្យាបង្រៀន និងវិធីសាស្ត្របង្រៀនភាសាចិនជាភាសាទីពីរ។ លើសពីនេះ កម្មវិធីមានបំណងអភិវឌ្ឍជំនាញគិតច្នៃប្រឌិតក្នុងការដោះស្រាយបញ្ហា ភាពជាអ្នកដឹកនាំ ទំនាក់ទំនងអន្តរវប្បធម៌ ការប្រើប្រាស់បច្ចេកវិទ្យាព័ត៌មាន និងសមត្ថភាពសំយោគទិន្នន័យ ដើម្បីរៀបចំនិស្សិតឱ្យក្លាយជាគ្រូបង្រៀន អ្នកបកប្រែ មន្ត្រីរដ្ឋបាល បុគ្គលិកក្រុមហ៊ុនវិនិយោគ អ្នកសារព័ត៌មាន ឬមគ្គុទ្ទេសក៍ទេសចរណ៍ ប្រកបដោយក្រមសីលធម៌ និងការទទួលខុសត្រូវខ្ពស់ក្នុងស្ថាប័នរដ្ឋ និងឯកជន。
និស្សិតដែលបានបញ្ចប់ការសិក្សាថ្នាក់បរិញ្ញាបត្រ ជំនាញអក្សរសាស្រ្តចិន អាចមានឱកាសការងារនៅក្នុងស្ថាប័នរដ្ឋ ឯកជន អង្គការជាតិ និងអន្តរជាតិ ព្រមទាំងអាជីវកម្មឯកជននានា ដូចខាងក្រោម៖
Graduates with a Bachelor's Degree in Chinese Literature can find career opportunities in public and private institutions, national and international organizations, as well as various private businesses, including:
នៅក្នុងបរិបទនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវប្បធម៌យ៉ាងជិតស្និទ្ធរវាងកម្ពុជា និងចិន តម្រូវការធនធានមនុស្សដែលមានសមត្ថភាពប្រើប្រាស់ភាសាចិន និងមានជំនាញគរុកោសល្យកំពុងមានការកើនឡើងយ៉ាងខ្លាំង។ កម្មវិធីសិក្សាថ្នាក់បរិញ្ញាបត្ររង ជំនាញអក្សរសាស្ត្រចិន ត្រូវបានរៀបចំឡើងរយៈពេល ២ ឆ្នាំ (ស្មើនឹង ៦០ ក្រេឌីត) ដោយផ្តោតលើការផ្សារភ្ជាប់គ្នាយ៉ាងស្អិតរមួតរវាងសមត្ថភាពភាសាចិន និងជំនាញគរុកោសល្យបង្រៀន តាមរយៈការបំពាក់បំប៉នជំនាញស្តាប់ និយាយ អាន សរសេរ ការយល់ដឹងពីអក្សរសិល្ប៍ ព្រមទាំងការចុះអនុវត្តការងារបង្រៀនផ្ទាល់ និងការប្រឡងបញ្ចប់ ដើម្បីធានាបាននូវគុណវុឌ្ឍិប្រកបដោយវិជ្ជាជីវៈ។
កម្មវិធីសិក្សានេះមានគោលបំណងបណ្តុះបណ្តាល និងពង្រឹងសមត្ថភាពនិស្សិតឱ្យមានចំណេះដឹងស៊ីជម្រៅលើគោលការណ៍គ្រឹះភាសាចិន អក្សរសិល្ប៍ ចិត្តវិទ្យាគរុកោសល្យ និងវិធីសាស្ត្របង្រៀនភាសាចិនជាភាសាទីពីរ (TCSL)។ លើសពីនេះ កម្មវិធីនេះមានបំណងអភិវឌ្ឍជំនាញគិតវិភាគ ទំនាក់ទំនងអន្តរវប្បធម៌ ក្រមសីលធម៌វិជ្ជាជីវៈ និងការប្រើប្រាស់បច្ចេកវិទ្យាការិយាល័យ ដើម្បីរៀបចំនិស្សិតឱ្យក្លាយជាគ្រូបង្រៀនភាសាចិន អ្នកបកប្រែ បុគ្គលិករដ្ឋបាល ឬប្រកបអាជីពក្នុងស្ថាប័នរដ្ឋ ឯកជន និងអង្គការជាតិ-អន្តរជាតិ ព្រមទាំងអាចបន្តការសិក្សាថ្នាក់បរិញ្ញាបត្របាន។
| ឆ្នាំទី 1 | |||
|---|---|---|---|
| ឆមាសទី 1 | ឆមាសទី 2 | ||
| មុខវិជ្ជា | ក្រេឌីត | មុខវិជ្ជា | ក្រេឌីត |
| Public Administration | 3 | Khmer Studies | 3 |
| Office Application | 3 | Chinese Conversation | 3 |
| Intensive Chinese 1 | 3 | Intensive Chinese 2 | 3 |
| Chinese Characters 1 | 3 | ជំនាញសរសេរ កម្រិត៤ (Writing Skills IV) | 3 |
| Comprehensive Chinese 1 | 3 | Comprehensive Chinese 2 | 3 |
| ឆ្នាំទី 2 | |||
| ឆមាសទី 1 | ឆមាសទី 2 | ||
| មុខវិជ្ជា | ក្រេឌីត | មុខវិជ្ជា | ក្រេឌីត |
| Comprehensive Chinese 3 | 3 | Contemporary Chinese Literature | 3 |
| Chinese Listening and speaking1 | 3 | វីធីសាស្រ្តបង្រៀន ភាគ១ (Teaching Methodology I) | 3 |
| Chinese Culture 1 | 3 | Intercultural Communication 1 | 3 |
| Ancient Chinese Literature 1 | 3 | Teaching Chinese as a second language 1 | 3 |
| Chinese History 1 | 3 | Chinese Newspaper Reading 1 | 3 |
និស្សិតដែលបានបញ្ចប់ការសិក្សាថ្នាក់បរិញ្ញាបត្ររង ជំនាញអក្សរសាស្រ្តចិន អាចមានឱកាសការងារនៅក្នុងស្ថាប័នរដ្ឋ ឯកជន អង្គការជាតិ និងអន្តរជាតិ ព្រមទាំងអាជីវកម្មឯកជននានា ដូចខាងក្រោម៖
