ជំនាញ វិទ្យាសាស្រ្តទិន្នន័យ

សេចក្តីផ្តើម

ស្របតាមការរីកចម្រើនផ្នែកវិទ្យាសាស្រ្ត និងបច្ចេកវិទ្យាយ៉ាងឆាប់រហ័ស ដែលធ្វើឱ្យការរស់នៅរបស់មនុស្សពឹងផ្អែកលើវិទ្យាសាស្រ្ត និងបច្គេកវិទ្យា ក្នុងការអភិវឌ្ឍស្ថាប័នរួមទាំងស្ថាប័នរដ្ឋ និងឯកជន ។ ដោយមើលឃើញពីសារៈសំខាន់ រាជរដ្ឋាភិបាលកម្ពុជាបានយកចិត្តទុកដាក់យ៉ាងខ្លាំងចំពោះការបណ្តុះបណ្តាលធនធានមនុស្ស ក្នុងវិស័យវិទ្យាសាស្រ្ត និងបច្ចេកវិទ្យា ។ ដើម្បីសម្រេចបាននូវយុទ្ធសាស្រ្តនេះ សាកលវិទ្យាល័យ អាស៊ី អឺរ៉ុប ដែលមានមហាវិទ្យាល័យ វិទ្យាសាស្រ្ត និងបច្គេកវិទ្យាបានរៀបចំកម្មវិធីសិក្សា ថ្នាក់បរិញ្ញាបត្រ វិទ្យាសាស្ត្រទិន្នន័យ (Bachelor’s Degree in Data Science) ដើម្បីបណ្តុះបណ្តាលដល់និស្សិតលើជំនាញវិទ្យាសាស្ត្រទិន្នន័យ ដែលជាជំនាញមួយមានសារៈសំខាន់និងឆ្លើយតបយ៉ាងច្បាស់ទៅនឹងតម្រូវការនៃការងារក្នុងបរិបទបច្ចុប្បន្ន ។

គោលបំណង

កម្មវិធីសិក្សាថ្នាក់បរិញ្ញាបត្រជំនាញវិទ្យាសាស្ត្រទិន្នន័យ ត្រូវបានរៀបចំឡើងក្នុងគោលបំណងបណ្តុះបណ្តាលមូលធនមនុស្សឱ្យក្លាយជាអ្នកវិទ្យាសាស្ត្រទិន្នន័យ និងអ្នកវិភាគជាន់ខ្ពស់ដែលមានសមត្ថភាពពេញលេញក្នុងការដឹកនាំ និងដោះស្រាយបញ្ហាស្មុគស្មាញក្នុងយុគសម័យទិន្នន័យធំ (Big Data)។ កម្មវិធីនេះផ្តល់នូវចំណេះដឹងស៊ីជម្រៅលើផ្នែក គណិតវិទ្យា និងស្ថិតិវិភាគកម្រិតខ្ពស់ ផ្សារភ្ជាប់នឹងជំនាញបច្ចេកទេសក្នុងការអភិវឌ្ឍម៉ូឌែលព្យាករណ៍ (Predictive Modeling) ការជីកកាយទិន្នន័យ (Data Mining) និងការប្រើប្រាស់ក្បួនដោះស្រាយម៉ាស៊ីនសិក្សា (Machine Learning Algorithms) ដើម្បីទាញយកពុទ្ធិ (Insights) ពីទិន្នន័យដែលមានរចនាសម្ព័ន្ធ និងគ្មានរចនាសម្ព័ន្ធ ។

ឱកាសការងារ សម្រាប់និស្សិត

• អ្នកវិទ្យាសាស្ត្រទិន្នន័យ (Data Scientist)
• អ្នកវិភាគទិន្នន័យ (Data Analyst)
• វិស្វករទិន្នន័យ (Data Engineer)
• អ្នកឯកទេសបញ្ញាសិប្បនិម្មិត (AI Specialist)
• អ្នកគ្រប់គ្រងមូលដ្ឋានទិន្នន័យ (Database Administrator)
• អ្នកអភិវឌ្ឍន៍ប្រព័ន្ធពាណិជ្ជកម្មឆ្លាតវៃ (Business Intelligence Developer)

សេចក្តីផ្តើម

ស្របតាមការរីកចម្រើនផ្នែកវិទ្យាសាស្រ្ត និងបច្ចេកវិទ្យាយ៉ាងឆាប់រហ័ស ដែលធ្វើឱ្យការរស់នៅរបស់មនុស្សនិងកិច្ចប្រតិបត្តិការអាជីវកម្មពឹងផ្អែកលើវិទ្យាសាស្រ្ត និងបច្ចេកវិទ្យា ក្នុងការអភិវឌ្ឍស្ថាប័នរួមទាំងស្ថាប័នរដ្ឋ និងឯកជន ។ ដោយមើលឃើញពីសារៈសំខាន់ រាជរដ្ឋាភិបាលកម្ពុជាបានយកចិត្តទុកដាក់យ៉ាងខ្លាំងចំពោះការបណ្តុះបណ្តាលធន ធានមនុស្ស ក្នុងវិស័យវិទ្យាសាស្រ្ត និងបច្ចេកវិទ្យា ។ ដើម្បីសម្រេចបាននូវយុទ្ធសាស្រ្តនេះ សាកលវិទ្យាល័យ អាស៊ី អឺរ៉ុប ដែលមានមហាវិទ្យាល័យ វិទ្យាសាស្រ្ត និងបច្ចេកវិទ្យាបានរៀបចំកម្មវិធីសិក្សា បរិញ្ញាបត្ររង វិទ្យាសាស្ត្រទិន្នន័យ (Associate’s Degree in Data Science) ដើម្បីបណ្តុះបណ្តាលដល់និស្សិតលើជំនាញវិទ្យាសាស្ត្រទិន្នន័យ ដែលជាជំនាញមួយមានសារៈសំខាន់និងឆ្លើយតបយ៉ាងច្បាស់ទៅនឹងតម្រូវការនៃការងារក្នុងបរិបទបច្ចុប្បន្ន។

គោលបំណង

កម្មវិធីសិក្សាថ្នាក់បរិញ្ញាបត្ររងជំនាញវិទ្យាសាស្ត្រទិន្នន័យ (Associate Degree in Data Science) ត្រូវបានរៀបចំឡើងយ៉ាងសម្រិតសម្រាំងក្នុងគោលបំណងបណ្តុះបណ្តាលធនធានមនុស្សឱ្យក្លាយជាអ្នកបច្ចេកទេសដែលមានសមត្ថភាពមូលដ្ឋានរឹងមាំ និងជំនាញអនុវត្តជាក់ស្តែងក្នុងវិស័យប្រមូល គ្រប់គ្រង វិភាគ និងបកស្រាយទិន្នន័យ 。 កម្មវិធីនេះផ្តោតសំខាន់លើការផ្តល់ចំណេះដឹងទូលំទូលាយចាប់ពីមូលដ្ឋានគ្រឹះនៃគណិតវិទ្យាអនុវត្ត (ស្ថិតិ និងប្រកបាប) ផ្សារភ្ជាប់ជាមួយនឹងការប្រើប្រាស់ភាសាសរសេរកម្មវិធីស្តង់ដារដូចជា Python និង SQL ដើម្បីដោះស្រាយបញ្ហាអាជីវកម្ម និងវិទ្យាសាស្ត្រជាក់ស្តែង ។ តាមរយៈការអនុវត្តគម្រោងជាក់ស្តែង (Project-based Learning) និស្សិតដែលបញ្ចប់ការសិក្សានឹងមានសមត្ថភាពពេញលេញក្នុងការចូលបម្រើការងារជាអ្នកវិភាគទិន្នន័យកម្រិតដំបូង (Junior Data Analyst) ឬបន្តការសិក្សាថ្នាក់បរិញ្ញាបត្រ ដើម្បីឆ្លើយតបទៅនឹងតម្រូវការឌីជីថល ។

មុខវិជ្ជាសិក្សា

ឱកាសការងារ សម្រាប់និស្សិត

• អ្នកជំនួយការវិភាគទិន្នន័យ (Junior Data Analyst)
• អ្នកបច្ចេកទេសទិន្នន័យ (Data Technician)
• អ្នករៀបចំទិន្នន័យ (Data Wrangler)
• បុគ្គលិក IT គាំទ្រផ្នែកទិន្នន័យ